睫毛三寶~最強睫毛夾

客人成日問我"你黐邊隻假眼睫毛嫁？好自然喎！"
"我就會有d尷尬地答:"我果d係真嫁!"
上次介紹左睫毛液...但係要做到適合既捲曲度又點可以少得好用既睫毛夾呢?!
我至愛既係KOJI (18R)lee隻睫毛夾..KOJI有好多款睫毛夾..但我覺得最好用都係鑽石型包裝lee 款！佢既弧度適合大部份既眼型..無論我自己定幫客人化妝我都係用佢嫁！！

by Jenga.Lee @ AnnaCreation

睫毛三寶~最強睫毛液

成日都有客人問我地有咩化妝品護膚品好用！！
其實做左化妝師咁耐的確花左唔少錢左試右試...發掘下有咩平靚正既 products!!
所以我地AnnaCreation既化妝師將會輪流為大家介紹下我地既心水選擇！

"用睫毛液最怕就係半日都唔夠就變左國寶....所以我推介大家可以試下Kiss me Heroine Make 特強豐盈纖長睫毛液...平時出妝朝6晚11...個妝閒閒地都要keep十幾個鐘..用左lee 款kiss me 睫毛液返到屋企個人都已經謝左但d睫毛都仲會仍然乖乖地豎係度 ....我已經用到第三支la !! "

by Jenga .Lee @AnnaCreation

Siu Lam

Agnes

新郎哥Justin 係另一個新娘子Jessica既好細佬...一見家姐試完妝就叫老婆Agnes搵我試妝！！佢地一家都非常之nice ar!!唔好睇新娘子Agnes個樣斯斯文文但其實佢非常活潑同爽直...問佢想要咩造型or用咩頭飾...佢就話完全信曬我叫我幫佢襯!!多謝你對我既信任
 
 Lee張側面相真係好似法拉ar

成日都會聽到你地鬥鬥咀....你串下我我又串下你!!!其實聽得出你地好sweet同好愛對方！！

好開心可以做到你地一家既化妝師.....
祝你地兩pairs都開開心心...幸福快樂...早生貴子(女)....一家熱熱鬧鬧！！

P.S.唔記得帶相機...用電話影加上酒店d燈唔係好夠...所以d相有d蒙！！

makeup & hair styling by Jenga Lee

Angela

新娘子Angela最令我難忘既就當然係佢令人羡慕到極既靚皮膚la!!尤其係本身皮膚麻麻地既我！！不過Angela
本身都有勤力地keep既...所以好薄既底妝已經好夠！
新娘子好多時都要求底妝要薄d...好似無上粉咁..但如果本身又多印又多斑黑眼圈又勁既話bigday
又點可以唔遮呢？用得多遮瑕膏又點會薄呢？！所以新娘子自己bigday前都要勤力D
la...深層清潔....保濕美白...仲有最緊要既防曬一樣都唔少得嫁！我都明白緍禮前一定忙到癲...有十萬八千樣野要做但有咩比做個靚靚新娘更重要
ar?!!

喜歡簡單高貴既造型頭飾都就鐘意用鮮花白色既小牡丹加新娘子最愛既紫包襯花好靚ar!

可見新娘子有幾喜愛紫色！

Angela要求非常簡單既送客造型連頭飾也不要...我十分支持唔係因為我懶而係我覺得靚先最緊!!有信心就唔需要每一個造型都咁誇先靚！

makeup & hair styling by Jenga Lee